Ficha 5: A relación dos sexos a través da tecnoloxía

No noso centro decicimos desenvolver a ficha 5: "A relación dos sexos a través da tecnoloxía", antes da ficha 4: "O modelo de amor romántico" porque son independientes e víñanos mellor para incluíla na temporalización das sesións de titoría. Tivo lugar os días 7 e 11 de marzo, sendo conducida polas titoras dos tres grupos de 3º ESO: Olaia Trigo González, María Villarino López e María de Toro González.

Os obxectivos a acadar foron:

• Potenciar unha actitude crítica e reflexiva na toma de decisións.
• Posibilitar un uso da tecnoloxía responsable e positivo.
• Reflexionar sobre o uso da tecnoloxía nas relacións personais.

Partindo dun documento con varios enunciados referentes ao tema das relacións e as redes sociais, así como dalgúns vídeos, propiciouse un debate para que o alumnado achegase as súas opinións e construíse reflexións beneficiosas para todos e todas. Por último, imprimíronse, recortáronse e pegáronse nas aulas cartaces da campaña "Crea, Conecta e Comparte", coa que os centros Quérote + prenteden fomentar o uso responsable das TICs.