Ficha 7: Aconcepción e concepción

 

Esta ficha desenvolveuse na materia de Bioloxía e Xeoloxía, coa profesora Guiomar Vázquez Nogueiras, durante tres sesións con cada grupo entre os días 13 e 24 de maio de 2024.

Os obxectivos a acadar foron:

• Contribuír ao coñecemento da erótica persoal.
• Potenciar o uso do preservativo como método de protección ante os embarazos non planificados e as ITS.
• Fomentar unha actitude crítica na búsqueda de información e resaltar a importancia de realizala en páxinas que dean garantías de fiabilidade nos seus contidos.
  

Incorporouse aos contidos da materia, dentro unidade didáctica "A función de reprodución no ser humano", despois de ter abordado: sexualidade, características xerais da reprodución humana, adolescencia e puberdade, anatomía e funcionamento dos aparatos reprodutores, así como fecundación, embarazo e parto.

Na primeira sesión establecéronse grupos de  catro persoas para que durante dez minutos reflexionasen e apuntasen nun papel prácticas eróticas aconceptivas. A continuación, en gran grupo, realizouse unha posta en común, e unha alumna ou alumno encargouse de escribir na pizarra as conclusións. Por último preguntouselles ao alumnado pola única práctica erótica que pode conducir a un embarazo e anotouse na pizarra.

Nas dúas seguintes sesións, de xeito individual ou en grupos de ata tres alumnos ou alumnas elaboraron un informe cos seguintes apartados:

• Portada.
• Índice.
• Concepto de método anticonceptivo.
• Descrición e clasificación dos métodos anticonceptivos. Valoraredes os seguintes aspectos: natural ou artificial (barreira, químico, hormonal ou cirúrxico); eficacia (nula, baixa, media, alta ou moi alta), vantaxes e inconvenientes; permanentes, transitorios ou dun só uso.
• Causas da baixa eficacia dos métodos naturais.
• Mitos que poden provocar embarazos non desexados.
• Pílula poscoital (cando debe utilizarse, como actúa e por que non se pode considerar un método anticonceptivo)
• ITS: concepto, transmisión e prevención.
• Webgrafía.

Consultaron as seguintes fontes de información:

 

• Libro de texto
• Web do SERGAS sobre métodos anticonceptivos.
• Saber+ dos Centros Quérote +.
• Prácticas eróticas seguras fronte ás ITS. Goberno de Canarias.
• Guía das ITS do SERGAS
• Kolokon, a forma xove de entender o sexo. Portugalete.

Premendo AQUÍ pódense consultar algúns dos informes realizados polo alumnado.

 

Ficha 6: Cultivando habilidades

A profesora de Xeografía e Historia, María Villarino López, desenvolveu esta ficha cos tes grupos de 3º ESO, durante tres sesións por grupo de cincuenta minutos cada unha, na última semana do mes de abril.

A metodoloxía empregada consistiu na visualización da presentación, que aparece a continuación, e o traballo do material na aula, fomentando o debate. Ademais, propúxoselles como traballo final que preparasen por grupos unha exposición para o alumnado de 2º ESO de todo o aprendido ao longo do programa, que terá lugar no mes de xuño.

 

O guión do traballo realizado foi o seguinte:

1. Presión social e conformidade.

- Por que facemos o que di o grupo?

- Por que buscamos a conformidade?

- Qué pasa se facemos algo distinto da norma do grupo?

2.  Que é un grupo. GRUPO fronte a INDIVIDUO.

- Pertencemos a distintos grupos.

- Cada grupo ten unas normas e esixencias.

3.  Individualidade. O distinto: pensar, expresar e actuar.

- Grupo e individuo. Individuo e grupo.

- Ser distinto no grupo.

4.  As características do BO GRUPO  e do MAL GRUPO.

-Equilibrio grupo-individualidade.

- O mal grupo: anula ó individuo.

- Características do bo grupo.

5.  O grupo nas Redes Sociais.

- Os grupos virtuais e os seus perigos ( que xa se trataron noutras fichas)

6. O consentimento sexual e a capacidade de negarse ó grupo.

-  O consentimento sexual como outro consentimento o conformidade co grupo.

Ficha 4: O modelo de amor romántico

Esta actividade, guiada pola profesora de Lingua e Literatura Castelá, Eva Fernández Miguélez, desenvolveuse en dúas sesións de 50 minutos con cada grupo a semana do 18 ao

22 de marzo.

Os obxectivos da mesma foron:

• Analizar a través de distintos exemplos do cine, a música e a publicidade a pervivencia dos

mitos do amor romántico na cultura popular e a súa influencia na nosa percepción de como

deben ser as relacións afectivas.

• Mostrar as claves dunha relación sa en contraposición a actitudes de control e celos.

• Visualizar a realidade da diversidade de formas de vivir e expresar o amor.

• Potenciar as relacións igualitarias e respectuosas entre os sexos.

A primeira sesión comezou co visionado dos seguintes materiais: presentación do Programa

Quérote+ (diapositivas 17 a 21); un extracto do vídeo de Marina Marroquí sobre os mitos do amor

romántico “El amor no se parece en nada a lo que nos enseñan”; tres curtametraxes do proxecto

Encuentra el verdadero amor, producidas pola Asociación de Mujeres Cineastas y de Medios

Audiovisuales (CIMA). Despois, realizouse unha posta en común sobre os afectos tóxicos, en que

consisten e como axudan a perpetuar a inseguridade, a desigualdade e a violencia nas relacións

persoais.

Na seguinte sesión o alumnado, en grupos de 4 ou 5, investigou en diferentes medios as mensaxes

que se transmiten arredor do amor romántico, co obxectivo de contrapor a estes uns principios

que permitan desenvolver relacións sas baseadas no bo trato e a autonomía persoal. Despois cada

grupo propuxo os seus propios lemas baixo o epígrafe: Dálle a volta aos mitos do amor romántico. Con ese lemas elaborouse o vídeo que aparece ao principio desta entrada do blog.

Ao final da sesión entregouse impreso ao alumnado o documento A ERÓTICA do bo trato e o BO

TRATO na erótica, que resume as claves para poder construir relacións e encontros eróticos

saudables e satisfactorios.